Når du kryssar Herdlebrua endrar landskapet seg.

Det flatar ut, himmelen vert høgare og havet

nærare. Framfor deg ligg ei øy som kan by på

både særeigen natur, dramatisk historie og fine

forhold for aktivitetar av mange slag.

 

Den spesielle naturen på Herdla, med flate jorde, strender og grunnar, er eit produkt av isbreen sitt arbeid. Då breen hadde si siste store framrykking for ca. 12.000 år sidan blei iskanten liggjande ved Herdla. Hit frakta isen og smeltevasselvane med seg store mengder lausmassar og bygde opp eit delta. Deltaet er i dag vel 30 meter over havnivået og dannar flata mellom Herdla Gård og Herdla

Fort. Også den store sletta som vert kalla Valen er bygd opp av lausmassar frå issmeltinga. Den har fått si form ved at tidevasstraumen mellom Herdle- og Hjeltefjorden har planert ut terrassane.

Kort tid etter okkupasjonen starta tyskarane bygginga av ein flyplass på Herdlevalen. Flyplassen var operativ alt hausten 1940 og spelte gjennom heile krigen ei viktig rolle i forhold til å hindra allierte flyangrep mot skipstrafikk og landmål. I

løpet av krigen blei det også etablert eit torpedobatteri og eit kystfort på øya. Som følgje av den store tyske aktivtiten måtte alle som budde på øya, reisa frå hus og heim.

 

 

Herdla er den rikaste fuglelokaliteten i Hordaland

med meir enn 230 registrerte arter. Det er dei

spesielle naturforholda med strender og store

gruntvassområde som gjer at fuglane søkjer til Herdla. Særleg under trekket vår og haust er aktiviteten stor. Mange artar, særleg vadarar, tek då ein matstopp på Herdla før dei held fram mot målet sitt. Nokre artar, særleg andefuglar, blir

verande og kan treffast på Herdla gjennom heile vinteren. Av omsyn til fuglelivet er Herdlevalen og dei tilgrensande øyane og sjøområda, underlagt vernerestriksjonar. Det strengaste vernet har Prestvika nord på Valen der det er ferdselsforbod i hekketida. Samstundes som fuglane skal sikrast ro, er det også lagt opp til at du skal få oppleva fuglelivet på øya.

Herdla har mykje å by på. Her er både museum, kafe, golfbane og overnattingstilbud. Det er dessutan flotte turforhold, og gode fiske og badeplasser på øya. I Herdlevågen er det offentleg kai, det er også råd å leggja til med båt i Herdlesundet og på Skarvøy. Vindsurfarar og kitarar nyttar Herdla som base gjennom heile året. For padlarar er øya eit godt utgangspunkt for

turar både langs Askøy og over mot Meland.

Når det gjeld fotturar sjå punktet: ”Turstier”. Herdla golf har i dag ein 6 hols bane der vert spelt gjennom heile året. Se www.herdlagolf.no

Anten ein driv med aktivitetar til lands eller til vanns, er det viktig at ein tek omsyn til det sårbare fuglelivet. Dette gjeld særskilt i hekketiden, men også resten av året er det artar på Herdla som ikkje bør forstyrrast.

 

Eit natur, kultur-og krigshistorisk museum. Eit hovudtema er Herdla som tysk flybase under 2. verdskrigen. Museet har faste utstillingar om dei spesielle naturforholda og det rike fuglelivet på øya, i tilegg til skiftande temautstillingar.

Opningstider:

1. mars - 31. mai: søndagar frå kl.12.00 -17.00

1. juni - 14. august: dagleg frå kl.12.00 -17.00

15. august - 31. okt: søndagar frå kl.12.00 -17.00

 

Etter avtale kan museet opnast spesielt, også på kveldstid.

museumvest.no

Tlf: 56 15 84 65 / 97 09 47 29